25/11/2019
Zientzia Txostena Euskadi 2019
Cristina Uriarte Hezkuntza Sailburuak aurkeztu ditu gaur goizean, Adolfo Morais Unibertsitate eta Ikerketako Sailburuordea eta Fernando Cossío IKERBASQUEko Zuzendari Zientifikoa aldean zituela, Zientzia Euskadin 2019 Txostenaren emaitzak. Txostenak ikerketa arloko langileei, zientziaren finantzaketari, emaitza zientifikoei eta transferentzia teknologikoari dagozkien Euskadiko emaitza nagusiak bildu ditu, Ikerboost Euskal Zientzia eta Teknologiaren Behatokiak monitorizatutako adierazleen bitartez.
IKERBOOST, IKERBASQUEko Zientzia eta Teknologiaren Behatokiak, EAEn, Estatuan eta nazioartean kontrastatutako informazio-iturrien araberako adierazleak bildu ditu, euskal komunitate zientifikoa karakterizatu eta beste herrialdeetakoekin kualitatiboki nahiz kuantitatiboki konparatzeko aukera errazteko asmoz. “Zientzialariek aldizkari espezializatuetan argitaratzen dituzte ikerketetako emaitzak, beste ikertzaileekin batera partekatzeko; Ikerbasqueko Behatokiak argitalpen horiek guztiak monitorizatzen ditu, ale-kopurua, nazioarteko eragina eta gaien araberako espezializazioa bezalako alderdiak aztertuz”, Fernando Cossío IKERBASQUEko zuzendari zientifikoaren esanetan.
Txostenari buruzko datu aipagarrienetarikoak:
- Euskadiko ikertzaileen lana 6.241 argitalpen zientifikora iritsi zen 2018an, azken urtean % 3,5 hazi delarik. Euskadik bere ekoizpen zientifikoa bikoiztu du azken hamarkadan.
- Euskadik bere ikerketa bultzatzeko 531 milioi euro lortu ditu Europatik 2014 eta 2018 urteen artean.
- Euskadiko 100 langiletik 2 ikerketa eta garapeneko I+G lanean dihardute, hau da, 20.000 pertsona inguru dira ikerketa edo garapen jardueretan.
- Euskadi ikerketa eta garapeneko I+G jardueretan gehien inbertitzen duen erkidegoa da BPG kontuan izanik, %2 inguruko inbertsioa eginez.
Zientzia Euskadin Txostena 2019 osoa deskargatzeko:
17/10/2019
Uruguayko Zientzia eta Teknologiako idazkari nazionalak Euskadi bisitatuko du, osasun-arloko I+G+b jarduera ezagutzeko
Uruguayko Errepublikako Presidentetzako Zientzia eta Teknologiako Idazkaritza Nazionaleko ordezkaritza batek Euskadi bisitatuko du, datorren urriaren 17an, Euskadin osasun-arloan egiten den I+G+b jarduera ezagutzeko.
Ordezkaritzari BIOEF (BECeko dorrea, Barakaldon) egoitzan egingo dio harrera, Iñaki Gutiérrez-Ibarluzea BIOEFeko antolaketa-berrikuntzako eta kudeaketako zuzendariak. Ordezkaritzak BIOEFen ekintza-lerroak ezagutuko ditu eta, zehazki, teknologiaren ezagutzaren eta transferentziaren balioa nabarmentzeari buruzko guztiaren inguruko prozesu eta jarduketak.
Osasun-sistemarako, ezagutzaren eta teknologiaren balorizazioak eta transferentziak haren jasangarritasunean eta pazienteen onuran laguntzen dute, beharrei hobeto erantzun ahal izateko soluzio berriak erabiltzen direlako. Hori horrela, euskal osasun-sistema publikoak onartu duen berrikuntza kudeatzeko ereduaren bidez, bere profesionalen sormenaren ahalik eta eragin handiena lortu nahi da. BIOEFek osasun-sistemako profesionalekin dihardu garatzeko ahalmena duen eta ikertzen urteak daramatzan ideia edo emaitza bat osasun-arloko emaitzak hobetzeko berrikuntza bilakatzeko ibilbidean.
Berrikuntza+Ikerketa+Osasuna Euskal Fundazioa (BIOEF) Osasun Sailak eta Osakidetzak Euskadiko osasun-sisteman berrikuntza eta ikerketa sustatzeko sortu duten tresna da. Fundazioa, era berean, autonomia-, estatu- eta nazioarte-mailetan osasun-arloko ikerketan eta berrikuntzan inplikatuta dauden sektoreen arteko lankidetzarako, elkarlanerako eta komunikaziorako esparru ere bada.
BIOEFen bidez, osasun-arloko eta sektoreen arteko programa eta politikak oinarritzen laguntzen du, osasun-sistemari lehiakortasun eta kalitate handiagoa emateko eta Euskadin aberastasuna sortzen eta sozioekonomikoki garatzen laguntzeko.
ORDEZKARITZARI BURUZ
Bisita Garapenerako Nazioarteko Lankidetzarako Espainiako Agentziak (AECID) bultzatzen duen misioan kokatzen da, ekoizpen- eta zerbitzu-sistemari kalifikazio handiko baliabideak sartzeari buruzko esperientzien berri emateko.
Ordezkaritza Madrilen hasiko da bisitarekin; bertan, bilerak izango ditu Zientzia, Berrikuntza eta Unibertsitateen Ministerioan, Ikerketako Estatuko Agentzian, CDTIan, Madrid+ fundazioan eta CSICn. Ondoren, ordezkaritza Kataluniara eta, zehazki, Bartzelonara joango da, CERCA Kataluniako Unibertsitate Politeknikoarekin batzeko, besteak beste, eta Euskadira gero; bertan, Orkestra Institutuarekin, Mondragon Unibertsitatearkein eta Eusko Jaurlaritzarekin batuko da.
15/10/2019
“Stop fuga de cerebros” doktorego ondoko laguntza, euskadin osasun ikerketarako (Gobernu Bilera 2019-10-15)
Nekane Murga Eusko Jaurlaritzako Osasun sailburuak, gaur, Gobernu Kontseiluari, BIOEF Berrikuntza+Ikerketa+Osasuna Euskal Fundazioaren Roche “Stop fuga de cerebros” ikerketarako doktorego ondoko laguntza arautzeko eta deitzeko Aginduaren berri eman dio.
Laguntza Zientzia, Teknologia eta Berrikuntzaren Euskal Sarearen agente bati dagokion ikerketa-talde batean sartuko den doktorego ondoko ikertzaile bat kontratatzera bideratuko da, Euskadin dagoen osasun ikerketako institutuaren edo osasun-arloko I+G jardueren erakundeen kategorian.
24/09/2019
XX Arreta Integratuaren Nazioarteko Konferentzia ICIC2020 Šibenik-en, Kroazian
Aurtengo apirilan Donostian eginiko XIX edizioaren ostean, IFIC-International Foundation of Integrated Care XX Arreta Integratuaren Nazioarteko Konferentzia antolatzen ari da Šibenik-en, Kroazian. Biltzar honek arreta integratuaren diseinu eta martxan jartzearekin lotura duten mundu osoko ikerlari, kliniko eta kudeatzaileak bilduko ditu. Antolakuntzan Kroaziako Osasun Ministerioak eta Zagreb-eko hiriak hartzen dute parte, osasun antolakunde eta unibertsitate kroaziarrez gain.
Batzorde zientifikoak biltzarraren gaiei lotutako komunikazioak bidaltzeko epea irekita dauka, urriak 11-rarte. Komunikazioak abstract formatua hartu behar du, 500 hitz gainditu barik. Konferentziako web orrialdean abstract-ak bidaltzeko gida jeitsi daiteke.
Abstract guztiak International Journal of Integrated Care (2.489ko inpaktu-faktorea) aldizkarian argitaratuak izango dira. Onartutako abstract-ak programaren barruan sartuko dira, ahozko komunikazio, tailer, ahozko poster-a edo poster arrunt moduan, Batzorde Zientifikoaren balorazioaren arabera, eta IFIC Arreta Integratuaren sariak lortzeko lehiatuko dira. Donostiako aurtengo edizioak 700 abstract baino gehiago jaso zituen.
11/09/2019
OSASUN ESTALDURA UNIBERTSALAREN ARLOAN OMERI AHOLKU EMANGO DION TALDEKO PARTAIDEA DA EUSKADI
Estatu ez den batzordekide bakarra da, Erresuma Batua, Norvegia eta Holanda bezalako herrialderekin batera
Osasunaren Mundu Erakundearen (OMS) helburu nagusietako bat da bilioi bat pertsonak kalitatezko osasun-arreta jasoko dutela bermatzea. Etorkizun hurbilean, 2023 baino lehen, erronka gisa ezarri da 1.000 milioi biztanleri ematea estaldura unibertsala.
Helburu horrekin, eta behar adina baliabide ez dituzten herrialdeei euren zerbitzu-kartera eratzen laguntzeko, OMSk Aholku Batzorde Tekniko bat osatu du, eta bere eginkizuna izango da herrialdeen ezaugarriak kontuan izango dituzten eta horietara egokituko diren osasun-prestazioen paketeak garatzea.
Eusko Jaurlaritzako Osasun Saileko kide bat, BIOEFen egungo zuzendaria dena, da nazioarteko 15 adituk osatutako aholkulari-talde horretako kideetako bat. Kidea Iñaki Gutiérrez da, eta Osasun Teknologien Nazioarteko Elkartearen (HTAI) presidentea ere bada (Eusko Jaurlaritzako Osasun Saila bertako kide instituzionala da).
Gutiérrezek, besteak beste, Norvegiako, Holandako eta Erresuma Batuko adituekin egingo du lan, eta hainbat herrialderi osasun-prestazioak diseinatzen eta garatzen lagunduko die. Berez, Euskadi da aholkulari-talde horretako estatu ez den entitate bakarra.
Alde horretatik, Nekane Murga sailburuak adierazi duenez, “Eusko Jaurlaritzako Osasun Sailarentzat harro egotekoa da OMSren nazioarteko aholkulari-taldean parte hartzea eta Euskadi-Basque Countryk osasunaren arloan duen jakintzarekin lagundu ahal izatea”.
Sailburuak azpimarratu duenez, “Euskadik orain dela urte asko ezarri zuen bertan bizi diren pertsona guztientzako osasun-estaldura unibertsala, eta erreferentzia da teknologien ebaluazioan, arreta-zerbitzuen karteretarako prestazioak hautatzeko metodo gisa”.
Azkenik, Nekane Murgak adierazi du “gure osasun-sistema publiko eta unibertsala nazioartean azaltzea lagungarri izango da gure herrialde-marka, ‘Euskadi Basque Country’, zabaltzeko, bai eta nazioarteko proiekzioa duten herrialdeetako esperientzietatik ikasteko ere”.
Azkenik, OMSk hainbat erreminta emango dizkie herrialdeei bertako sistemak garatzen eta eguneratzen jarraitzeko, DECIDE izeneko plataforma berri baten baitan, eta hor ere parte hartuko du BIOEFen zuzendariak.
10/09/2019
Biriketako minbiziaren gaineko ikerketa-proiektuetarako laguntzen deialdia onartu da, BIOEFek kudeatutakoa
Osasun Sailak hala proposatuta, Gobernu Kontseiluak biriketako minbiziaren gaineko ikerketa-proiektuetarako laguntzen deialdia onartu du, BIOEFek kudeatutakoa. Deialdiaren zenbatekoa 302.000 eurokoa da, eta EITBk, herritarren eta erakundeekin batera, gaixotasun baten edo gehiagoren inguruan ikertzeko urtero antolatzen duen maratoi solidarioari esker lortzen da.
Zientzia, Teknologia eta Berrikuntzaren Euskal Sareko eragileei zuzenduta dago deialdia, eta, aurreikusitakoaren arabera, irailean argitaratuko da EHAAn.
“BIOEFen eta EITB Maratoiaren arteko lankidetza”
02/08/2019
SAVE THE DATE! INFORMAZIO JARDUNALDIA: AZKEN H2020 DEIALDIAK RIS3 EUSKADIRI BURUZKO GAIETAN
2019ko urriaren 3an eta 4an, Innobasque, SPRI eta BEAZ Basque Enterprise Europe Network (EEN) partzuergoko kideak─, BIOEF, EEE/EVE eta CDTIk elkarlanean jardunaldi bat antolatuko dute Horizon 2020 Europako Esparru Programaren azken deialdiei buruz.
Infoday honen helburua, egun osoko eta egun erdiko jardunaldietan banatuta, Horizon 2020 Lan Programa berriak ezagutaraztea da; programa hauek 2018-2020 denboraldiko azken urterako, programaren azkenekorako, Europako Batzordeak argitaraturikoak dira.
H2020 programa itxiko duten jarduera-ildoak aurkeztuko dira RIS3 Euskadiri buruzko gaietan: NMBP, Energia, IKTak, Garraio, Osasun eta Elikadura Segurtasuna.
Infoday Horizon 2020 gaiak eta datak honako hauek izango dira:
- Osteguna, urriak 3, goizez: NMBP eta ENERGIA
- Osteguna, urriak 3, arratsaldez: IKTak (Informazioaren eta Komunikazioaren Teknologiak) eta GARRAIOA
- Ostirala, urriak 4, goizez: OSASUNA eta ELIKADURA-SEGURTASUNA
Jardunaldi horietan, Harremanetako Puntu Nazionalekin (NCP) hainbat gairen inguruan bilerak hitzartzeko aukera emango da.
Datorren irailaren 4an gonbidapena bidaliko dugu nahi dituzun gaietan izena eman dezazun, baita NCPrekin bilerak eskatu ahal izateko argibideak ere.
30/07/2019
Euskal Osasun Sistema Publikoak TBMED proiektuaren garapenerako lankidetzaren bileran hartu du parte
TBMED proiektuak aurrera darrai berrikuntza irekiko saiakuntza-banku bihurtzeko
2019ko uztailaren 9an eta 10ean, TBMED proiektua martxan jarri zenetik urte-erdi igaro zela, haren partzuergoa Parisen (Frantzia) bildu zen lehenengo bilera egiteko. Didier Letourneurrek eta TBMED proiektuko bazkide den INSERMeko haren taldeak antolatu zuten bilera.
Bileraren helburu nagusia bazkideek egindako lana eguneratzea eta urteko gainerako jarduerak planifikatzea izan zen. Eztabaidetan garbi geratu zen bazkideak ohitu direla beren zereginetara eta elkarlan estuan ari direla proiektuaren amaieran berrikuntza irekiko saiakuntza-banku bat ezartzeko erronkari aurre egiteko (ingelesez, Open Innovation Test Bed —OITB—). Ondorioz, bileraren bigarren egunean saio berezi bat egin zen OITBren sorrerari buruz; bertan erronkak zehaztu ziren, eta haiek gainditzeko ideiak garatu.
Bileraren aurretik, saio ireki bat egin zen, eta hartara Gecko Biomedical / TISSIUM, 4D Cell eta BforCures enpresetako ordezkariak eta Medicen taldea gonbidatu ziren. Beren negozioak ezartzean bizi izandako esperientzia partekatu zuten, eta garapen-arloan dituzten arazoak azaldu, bereziki Europako ETEei prozesuak errazteko etorkizuneko OITBk eskaintzen dizkien aukerei dagokienez.
TBMED proiektuan Frantziako, Irlandako, Espainiako eta Alemaniako 13 bazkide europar daude. Proiektua CIDETECek koordinatzen du, eta hauek dira bazkideetako batzuk, Euskal Osasun Sistema Publikoaren ordezkari gisa: Osakidetza; Bioaraba, Biocruces Bizkaia eta Biodonostia Osasun Ikerketa Institutuak; Osteba; eta BIOEF Berrikuntza + Ikerketa + Osasuna Eusko Fundazioa. Proiektuan, Euskal Osasun Sistema Publikoak aholkularitza klinikoa, osasun-arloko teknologiaren ebaluazioa eta kontzeptu-saiakuntza klinikoak egiten ditu.
Proiektuari buruzko informazio gehiago: https://tbmed.eu/
Proiektuak Europar Batasunaren Horizon 2020 ikerketa- eta berrikuntza-programaren funtsak jaso ditu 814439 zenbakiko dohaintza-akordioari jarraikiz.
18/06/2019
APIC2 nazioarteko konferentzia. Komunikazioak bidaltzeko deialdia zabalik
Zaintza Integratuarentzako Nazioarteko Fundazioa (IFIC), Newcastleko Unibertsitatearekin, Centre for Rural & Remote Mental Health, Children’s Health Queensland, Central Coast Local Health District, The Australian Healthcare & Hospitals Association eta Health Justice Australiak, 2019ko azaroaren 11tik 13ra, Melbourne-n (Australian) egingo den Zainketa Integratuari buruzko Asia Pazifikoko II. Konferentzia, antolatu du. Konferentziak osasun eta gizarte zerbitzu integratuen diseinuan eta banaketan parte hartzen duten ikertzaileak, medikuak eta mundu osoko kudeatzaileak bilduko ditu eta, lehen aldiz, ahozko osasunaren arazoa aztertuko dute osasuna eta ongizatea hobetzeko. pertsonen zainketa integratuaren bidez.
Batzorde zientifikoa, arreta integratuaren politika eta praktikaren eremuan aritzen diren nazioarteko adituek osatzen dute. Zientzia, ezagutza eta arreta integratuaren ezarpenari buruz, eta batez ere, kongresuaren gai zehatzei buruzko komunikazioak bidaltzeko deialdia ekainaren 28ra arte egongo da irekita. Komunikazioen laburpena edo “abstract”-a 500 hitzekoa izan behar da gehienez. Komunikazioak bidaltzeko gida konferentziaren webgunetik deskargatu daiteke.
Onartutako laburpen guztiak International Journal of Integrated Care-n (Impaktodun Faktore 1.837) argitaratuko dira. Onartutako laburpenak programan agertuko dira ahozko komunikazio formal, tailerra, ahozko poster edo erakusketa poster gisa, hau da, komite zientifikoak egokien aukeratutako formatuan. Onartutako laburpen guztiek urteko IFIC Integrated Care sarietarako lehiatuko dira. Aurtengo apirilean Donostian izan den nazioarteko konferentzian 700 komunikazio baino gehiago jaso ziren.
29/05/2019
ICIC19 San Sebastian – Basque Country Konferentziari buruz azpimagarriena (laburpenak, elkarrizketak, ponentziak, argazkiak eta bideoak)
Joan den apirilean Donostiak 60 herrialde baino gehiagoko eta hainbat lanbide desberdinetako 1.300 ordezkari baino gehiago bildu zituen, Arreta Integratuari buruzko XIX. Nazioarteko Konferentzian (ICIC19). Jardunaldia OSAKIDETZA, BIOEF, Eusko Jaurlaritzako Osasun Sailak, Donostiako Udalak, Gipuzkoako Foru Aldundiak eta IFIC-ek (Arreta Integratuari buruzko Nazioarteko Fundazioak) bultzatu zuten.
Aurten, jasotako abstrakt edo komunikazio laburpenen marka autsi eta gero, hitzaldiak 350 aurkezpen baino gehiago bildu ditu osoko bilkuretan eta saio paraleloetan, 125 tailer eta interes bereziak zituzten talde bilerak, 450 poster erakusketa eta berrikuntza eremuan 12 esperientzi-tailer aurkeztu ziren, eta halaber, tokian tokiko gizarte eta osasun zerbitzuetako ereduak bisitatzeko aukera.
Jadanik eskuragarri daude hizlari, delegatu eta bazkide nabarmenei egindako elkarrizketak, halaber, aurkezpenak, argazkiak eta bideoak ere (ikus beheko estekak).
Hitzaldien artean, aipatzekoa da Michael Marmot-en aurkezpena, osasunaren gizarte eragileei buruzkoa. Michael-ek bizi itxaropen krisiari buruz ohartarazi zigun eta zelan, igoera lazgarri baten ostean, gaur egun, mendebaldeko herrialde askotan beherakada edo geldialdi bat ematen ari den. Krisi hau ekiditeko, osasunaren gizarte-eragileei begiratu behar diegu eta ulertu zergatik jendeak drogetara edo beste ohitura txarreko erabiletara jotzen duen, bere buruaz beste egiten ari den eta, oro har, okerrago bizi den. Adibidetzat jarri zituen Costa Rica eta Cuba, bizitza iraupen luzeago batekin, baina askoz ere baliabide gutxiagorekin. Gaur egun, pobreenen baldintza sozialak hobeak dira Costa Rica eta Cuban Estatu Batuetan baino. Michaelen aurkezpen osoa hemen ikus dezakezu.
Ondoren, saio horretan bertan, María Ángeles Duran-ek galdetu zigun zer ulertzen dugun “zaintza” hitzaz, eta ordaindutako arreta edo zaintza bakarrik ote den. Kontzeptua ez dugu argi definitu. Nola aintzatetsi ditzazkegu zaintzaileak (emakumeak) sozialki? Zahartzen direnean, nork zainduko ditu eta zergatik ez diegu ordaintzen? Maria Angelesek ohartarazi zigun gizonek aberats hiltzen direla beraien denbora diruaren truke saltzen dutelako, baina emakumeena doakoa dela. Mª Ángelesen aurkezpen probokatzailea hemen ikus dezakezu (gaztelaniaz).
Azken osoko bilkuran, Henry Mintzberg-ek esan zigun ebidentziatik esperientzieara pasa behar garela. Neurketak arreta suntsitu dezakeela eta ezin garela dena neurtzen ibili. Ikaskuntza ez da neurtzen. Esan zuen kontuz ibiltzeko neurketak ez gaitzan gu kontrolatu. Aipatu zuen kategorizazio, merkaturatze eta kalkulu gehiegi zegoela eta honek zerbitzuen kalitateegan duen eraginari buruz gogoeta egin zuen. Hiru premisa hauek aztertu behako lirateke, arreta sanitarioaren praktikan nola oztopatzen eta laguntzen duten kontutan izanda. Kudeaketa eta lidergotza elkarlotuta daudela gogorarazi zigun, lider batek kudeatu egin behar duela eta administratzaile batek gidatu. Mintzbergek azpimarratu zuen “Osasuna ez dela negozioa!”. Mintzbergen osasun zerbitzuetako lidergotza eta kudeaketari buruzko ideiei buruz gehiago jakiteko, hemen elkarrizketa osoa ikus dezakezu.
AURKEZPENAK: https://drive.google.com/drive/folders/1VYV4RlIwRzfEIzDovHpRdOMjUsG2Rf-y
ARGAZKIAK: https://www.dropbox.com/sh/kmjzvmnwbhg1sx6/AABPTuRqGS_AQmzFEHoUtqfda?dl=0
BIDEOAK: https://www.youtube.com/channel/UCxBgN0SeGQlAQWqn0yfvjIQ/playlists
ELKARRIZKETAK: https://vimeo.com/336322185?mc_cid=6b7c21794d&mc_eid=39547ff4b8
