Berrikuntza + Ikerketa + Osasuna Eusko Fundazioa
/ B+I+O eusko fundazioa, Eusko Jaurlaritzako Osasun Sailak
sustatua, Autonomia Erkidegoko Administrazio Sanitarioaren tresna
bat da, eta sorreratik bertatik bere helburua Euskadiko Osasun
Sisteman berrikuntza eta ikerketa sustatzea du, horrela, bere
gaitasunak garatuz eta etengabe hobetuz, biztanleriaren osasuna
babesten, gero eta era eraginkorragoan jarduteko. Era berean,
Fundazioak lankidetzarako, elkarrizketarako eta elkarlanerako
gune izan nahi du, eta osasunaren alorreko ikerketan, garapenean
nahiz berrikuntzan diharduten sektoreak harremanetan ipini nahi
ditu, bai esparru autonomikoan dabiltzanak eta baita estatukoan
edo nazioartekoan dabiltzanak ere, betiere sorrerako helburua
hobeto betetzeko.
Fundazioaren zereginak bi instituturen bitartez
egiten dira:
Ikerketa Sanitarioetako Eusko Institutua
/ o+iker: Ikerketa biomedikoarekin zuzenkien lotuta dauden
Fundazioko jarduerak biltzen ditu. Alde honetatik, plataforma
bat izan nahi du, Euskadiko Osasun Sistemako ikerketaren garapen-maila,
batetik, eta asistentziaren bikaintasun-maila, bestetik, parean
jartzen laguntzen duena, beti ere ikerketa sustatuz, baliabideak
hara bideratuz, kudeaketa erraztuz eta berau Sistemaren lehentasun
estrategikoetara begira jarriz.
Berrikuntza Sanitarioko Eusko Institutua
/ o+berri: Sistema etengabe berritzeko plataforma izan
nahi du eta, bikaintasuna galdu gabe, uneoro organizazio-sistema
nahiz kudeaketa-sistema edo tresna berriak asmatzen ahalegintzen
da. Horrekin batera, eztabaida, prospektiba, joeren aurreikuspena
eta euskal gizartearen nahiz Sistemaren beraren mesederako aldaketa
eta eskaerak bultzatzen ditu, bere ospe eta izen ona indartuz
eta zabalduz.
